اسلام آباد ٹوڈے

پاک فوج کے سربراہ فیلڈ مارشل عاصم منیر نے کاکول میں پاسنگ آؤٹ پریڈ سے خطاب کرتے ہوئے مقبوضہ کشمیر اور فلسطین کے عوام سے پاکستان کی غیر متزلزل یکجہتی کا اعادہ کیا، بھارتی مظالم اور اسرائیلی جارحیت کی شدید مذمت کی۔

اسلام آباد میں آذربائیجان کی پارلیمنٹ کی اسپیکر صاحبہ غفوروا نے چیئرمین سینیٹ سید یوسف رضا گیلانی سے ملاقات کی۔ دونوں رہنماؤں نے پارلیمانی، تجارتی اور ثقافتی تعاون کے فروغ پر اتفاق کیا۔

اسلام آباد میں کینیڈا کے نئے ہائی کمشنر طارق علی خان نے صدر آصف علی زرداری کو اپنی اسنادِ اعتماد پیش کیں۔ ملاقات میں دوطرفہ تعلقات، تجارت، سرمایہ کاری اور تعلیمی تعاون کے فروغ پر گفتگو ہوئی۔

روس کے سفیر البرٹ خورے اور آفتاب شیرپاؤ کی ملاقات میں علاقائی امن اور سیاسی امور پر تبادلۂ خیال، روس کی پاکستان کے سیاسی حلقوں سے سفارتی روابط جاری رکھنے کی توثیق۔

کِم جونگ اُن نے پیانگ یانگ میں ویتنامی رہنما تو لام کے اعزاز میں شاندار تقریب کی صدارت کی، دونوں ممالک کے تاریخی تعلقات اور سوشلسٹ اتحاد کو سراہا گیا۔